Яҡташ йырсыбыҙ махсус хәрби операцияла ҡатнашыу өсөн Оборона министрлығы менән контракт төҙөгән

Башҡортостан йырсыһы Марсель Фәрхетдинов Рәсәйҙең Оборона министрлығы менән контракт төҙөгән. Хәҙер ул «Башҡортостан» мотоуҡсылар полкы сафында бурысын үтәй. Был хаҡта «Башҡорт батальоны» телеграм-каналында хәбәр ителә.

Яңыраҡ Марсель полкташтары алдында сығыш яһаған. Яугир үҙенең быйыл июль айында яҙҙырған «Әйләнеп ҡайта алһам» йырын башҡарған. Композиция махсус хәрби операцияла ҡатнашыусыларға арналған.

«Йыр әлеге ваҡытта махсус хәрби операцияла йөрөгән һәм арабыҙҙан киткән яугирҙәргә бағышлана»,  — тип һөйләгәйне  Марсель Фәрхетдинов «Башинформ» мәғлүмәт агентлығына.

Әйткәндәй, Марсель Фәрхетдинов Ҡариҙел районында тыуып үҫкән, бик күп республика һәм төбәк-ара конкурстар лауреаты.

https://www.bashinform.ru/news/svo/2023-10-06/pevets-iz-bashkirii-podpisal-kontrakt-s-minoborony-dlya-uchastiya-v-zone-svo-3468949