Башстат мәғлүмәттәре буйынса, 2022/23 уҡыу йылында республиканың дөйөм белем биреү ойошмаларында 32,6 мең уҡытыусы эшләгән. Урта һөнәри белем биреү ойошмаларында – 4,4 мең, юғары уҡыу йорттарында – 4,6 мең профессор-уҡытыусы.
Мәктәп уҡытыусыларының күпселеген ҡатын-ҡыҙҙар тәшкил итә – 89%. Һәр икенсе педагогтың 20 йылдан ашыу эш тәжрибәһе бар. 2022/23 уҡыу йылында бер уҡытыусыға уртаса алғанда 16 уҡыусы тура килгән.