Радий Хәбиров Башҡортостандың иң яҡшы уҡытыусыларын дәүләт наградалары менән бүләкләне

Фото: Олег Яровиков, Валерий Шахов

Азат Ғиззәтуллин

Бөгөн, 5 октябрҙә, Уҡытыусылар көнөндә Башҡортостан Башлығы Радий Хәбиров республиканың иң яҡшы уҡытыусыларын дәүләт наградалары менән бүләкләне, шулай уҡ ауыл ерендә эшләгән йәш уҡытыусылар өсөн гранттар конкурсы еңеүселәренә тәүге 30 сертификат тапшырҙы.

«Хөрмәтле уҡытыусылар, ошо һөнәри байрамығыҙҙа изге хеҙмәтегеҙ өсөн оло рәхмәт һүҙҙәрен еткерәбеҙ. Һәр ҡайһыбыҙҙың тормошонда беҙгә белем донъяһына юл асҡан, фекерләргә, яуаплы ҡарарҙар ҡабул итергә өйрәткән уҡытыусылар, остаздар булды. Ғүмер буйына беҙ уларҙың исемдәрен онотмайбыҙ. Ил президенты Владимир Путин ҡарары буйынса быйыл Рәсәйҙә уҡытыусылар һәм остаздар йылы тип иғлан ителде. Республикабыҙҙа тәрбиәсе, уҡытыусы, ғалим һөнәренең абруйын күтәреү, педагогик хеҙмәт оҫталарына ярҙам итеү өсөн күп эштәр башҡарҙыҡ. «Йыл педагогы» республика конкурсы еңеүселәренә һәм лауреаттарына премиялар, иң яҡшы колледждар, уҡытыусылар һәм производствоға өйрәтеү мастерҙары, балалар баҡсаларының йәш тәрбиәселәре өсөн гранттар», - тине Радий Хәбиров тантаналы сарала.

Бөгөн бында республиканың юғары уңыштарға өлгәшкән тәжрибәле уҡытыусылары, йәш педагогтар, мәктәпкәсә һәм урта һөнәри белем биреү өлкәһендәге иң яҡшы хеҙмәткәрҙәр йыйылған, тип билдәләне Башҡортостан етәксеһе.

Радий Хәбиров байтаҡ йылдар республика мәнфәғәте өсөн эшләгән бер нисә уҡытыусының исемен әйтеп үтте. Уларҙың береһе – Дәүләкән районының 5-се гимназияһы уҡытыусыһы Рима Зөфәр ҡыҙы Латипова. Ул 50 йылға яҡын география фәненән уҡыта. Күп кенә уҡыусылары Бөтә Рәсәй мәктәп уҡыусылары олимпиадаһының төбәк этабында призлы урындар яулай.

Марина Фәрүәз ҡыҙы Бондарь – Өфө ҡалаһының 44-се балалар баҡсаһы мөдире, 35 йыл мәктәпкәсә йәштәге балаларҙы тәрбиәләй, тәжрибәле етәксе.

«Хөрмәтле уҡытыусылар! Һеҙҙең иңегеҙҙә ҙур хеҙмәт һәм яуаплылыҡ ята. Йылдар үтер, ә хеҙмәтегеҙҙең һөҙөмтәһе, бөгөнгө кеүек, республикаға һәм илгә файҙа килтереүен дауам итер. Хыялдарығыҙ тормошҡа ашһын, һәр башланғысығыҙҙа уңыштар юлдаш булһын! Үҙегеҙгә һәм ғаиләләрегеҙгә именлек, һаулыҡ, бәхет теләйем», - тип билдәләне Радий Хәбиров.

https://www.bashinform.ru/news/social/2023-10-05/radiy-habirov-nagradil-luchshih-pedagogov-bashkirii-gosudarstvennymi-nagradami-3466630

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.