Оксана Фёдорова Башҡортостан балаларына тыныс йоҡо теләр өсөн Өфөгә килә

Рәсәй телевидениеһы алып барыусыһы һәм актриса, «Мисс Донъя -2002» исемен яулаған Оксана Фёдорова Өфөгә килә. Балалар өсөн легендар «Тыныс йоҡо, кескәйҙәр» тапшырыуынан «Оксана апай» 14-17 сентябрҙә Өфөлә «Әйҙә, уйнарға» Бөтә Рәсәй фестивалендә күңел асыу программаһын алып бара.

Уның менән бергә Хрюша, Каркуша, Филя һәм Степашка ла ҡатнаша.

Оксана Фёдорова хайуандарҙы бик ярата, уның өйөндә биш «Филя» йәшәй, хатта  «Кот Матроскин» да булған.

Алып барыусы «Тыныс йоҡо, кескәйҙәр» программаһында 20 йыл эшләй. «Мин һәр ваҡыт ҡыҙҙар яҡлымын, сөнки уларға һәр саҡ ауыр. Хәҙер миңә Каркуша нығыраҡ оҡшайҙыр, моғайын. Уны һәр ваҡыт йәберләйҙәр, уға үҙенең урынын күрһәтергә тырышалар. Бала сағымда Хрюшаны ярата инем. Ул шаян, тиктормаҫ, һәр ваҡыт үҙ фекере бар, ләкин һуңынан ул бөтәһе менән дә ризалашып ҡуя», - тип һөйләгән Оксана Фёдорова «КП» баҫмаһына.

https://www.bashinform.ru/news/social/2023-09-12/oksana-fyodorova-priedet-v-ufu-chtoby-pozhelat-spokoynoy-nochi-bashkirskim-rebyatam-3433212