Республикала грипп буйынса хәл тыныс, прививка яһау кампанияһы әүҙем бара - Роспотребнадзор

Башҡортостанда грипп буйынса хәл тыныс, прививка яһау кампанияһы әүҙем бара, тип хәбәр итте дүшәмбе хөкүмәттең оператив кәңәшмәһендә Роспотребнадзорҙың республика идаралығы етәксеһе Анна Казак. Уның һүҙҙәренсә, бөгөн республикала грипп менән сирләүҙең бер генә осрағы теркәлгән.

Белгестәр ышандырһа ла, Башҡортостан Башлығы грипп буйынса хәлде контролдә тоторға ҡушты.

«Республиканың Роспотребнадзор идаралығынан ошо, шул иҫәптән коронавирус инфекцияһына бәйле хәлде иғтибар менән күҙәтеп барыуығыҙҙы һорайым. Әлегә хәл тыныс, әммә уяулыҡты юғалтмайбыҙ», — тине Радий Хәбиров.

Һаулыҡ һаҡлау министрлығының 11 сентябргә мәғлүмәттәре буйынса, республикала 500 меңгә яҡын кеше грипҡа ҡаршы прививка яһатҡан.

https://www.bashinform.ru/news/social/2023-09-11/situatsiya-po-grippu-v-bashkirii-spokoynaya-privivochnaya-kampaniya-idet-aktivno-rospotrebnadzor-3430434