Республикала Йәмәғәт кол-үҙәгенә 15 шылтыратыу ҡабул ителгән

Башҡортостанда көндөҙгө сәғәт 2-гә Йәмәғәт кол-үҙәгенә республика Дәүләт Йыйылышы депутаттарын һайлауҙа тауыш биреү буйынса 15 шылтыратыу килгән. Был турала «Һайлау - 2023» йәмәғәт матбуғат үҙәгендә үткән брифингта кол-үҙәк эшен ойоштороу өсөн яуаплы Анна Сучкова хәбәр итте.

«Әлеге ваҡытҡа етди хоҡуҡ боҙоуҙар теркәлмәгән. Йәштәр башлыса тауыш биреүҙең сәғәт нисәгә тиклем дауам итеүе, үҙҙәренең ҡайһы участкаларын асыҡлай, шулай уҡ өйҙә һайлау мөмкинлеген булдырыуҙы һорап шылтыратты. Тағы бер һайлаусыбыҙ ни өсөн һайлау участкаларында ҡарабойҙай таратмауҙары менән ҡыҙыҡһынды. Шулай уҡ участкала ҡараңғыраҡ булыуға ялыу килде, ләкин мәғлүмәт раҫланманы», - тип һөйләне Анна Сучкова.

Кол-үҙәк тауыш биреү тамамланғансы, йәғни киске сәғәт 9-ға тиклем эшләй, тип билдәләне ул. Башҡортостандың Йәмәғәт палатаһы сайтында ике сәғәт һайын шылтыратыуҙар тураһында тулы отчет баҫыла. Йәмәғәт кол-үҙәгенең телефоны: 218-16-84.

https://www.bashinform.ru/news/social/2023-09-10/v-bashkirii-s-nachala-golosovaniya-v-obschestvennyy-kol-tsentr-postupilo-15-zvonkov-3428193