Башҡортостанда Ленинград блокадаһын өҙөүҙең 80 йыллығын билдәләү программаһы раҫланды

Башҡортостан премьер-министры Андрей Назаров 2024 йылда Ленинградты фашистар блокадаһынан тулыһынса азат итеүгә 80 йыл тулыуға арналған саралар планы тураһында бойороҡҡа ҡул ҡуйҙы. «Башинформ»ға документты өйрәнгәндән һуң билдәле булыуынса, республикала йәшәгән ветеран-блокадасылар сираттан тыш диспансеризация үтергә мөмкин, уларҙы мәктәптәргә хәтер дәрестәренә саҡыралар, «Патриот» паркында республика батырлыҡ дәресе үткәрелә. Бынан тыш, Башҡортостанда балаларҙың тематик һүрәттәре, ә Хәрби Дан музейында «Ленинград блокадаһы» һәм «Блокада икмәге» экспозициялары ойошторола. Республикала йәшәүселәрҙе фильмдар, лекторийҙар, викториналар, «Блокада таҫмаһы» һәм «Блокада икмәге» акцияларында ҡатнашыу көтә.

Иҫегеҙгә төшөрәбеҙ, Ленинград блокадаһы 1941 йылдың 8 сентябрендә башланып, 872 көн дауам иткән. Ҡала тулыһынса  1944 йылдың 27 ғинуарында азат ителгән.

https://www.bashinform.ru/news/social/2023-09-10/andrey-nazarov-utverdil-programmu-prazdnovaniya-v-bashkirii-80-letiya-so-dnya-snyatiya-blokady-leningrada-3427005