Башҡортостанда 10 кешелек ғаилә һайлау участкаһына тауыш бирергә килде

Смирновтарҙың ишле ғаиләһе: ата-әсә һәм уларҙың 8 балаһы (алтауһы тәрбиәгә алынған) Ишембай һайлау участкаһына тауыш бирергә килде.

Александра һәм Сергей әйтеүенсә, улар балаларында кесе йәштән үк әүҙем гражданлыҡ позицияһын тәрбиәләй. Һайлауға күмәкләп тәүге тапҡыр килгәндәр: ата-әсә тауыш биреүҙең нисек барғанын күрһәтергә теләгән.

«Ғаиләбеҙҙә тауыш биреүҙең нимә икәнлеген беләләр, сөнки бөтә ҡарарҙарҙы ла бергәләп ҡабул итәбеҙ, - ти Александра Смирнова. - Балаларыбыҙҙы социаль яҡтан әүҙем булһын тип үҫтерергә тырышабыҙ, уларға һайлауҙың мөһимлеге тураһында һөйләйбеҙ».

https://www.bashinform.ru/news/social/2023-09-10/v-bashkirii-na-izbiratelnyy-uchastok-prishla-semya-iz-10-chelovek-3427617