Ҡотҡарыусылар водителдәргә ашығыс иҫкәртеү менән мөрәжәғәт итте

9 сентябрҙә Башҡортостан юлдарында ямғыр яуғанда 1-2 саҡрымдан күреү мөмкинлегенең кәмеүе, төндә һәм иртән урыны менән томан төшөүе фаразлана. Был хаҡта «Башинформ»ға Башгидромет мәғлүмәттәренә һылтанма менән республика Ғәҙәттән тыш хәлдәр буйынса дәүләт комитетының матбуғат хеҙмәтенән хәбәр иттеләр.

Иртәгә республикала болотло һауа торошо, ямғыр яуыуы көтөлә. Ел төньяҡтан, төньяҡ-көнсығыштан, тиҙлеге секундына 5-10 метр, көндөҙ урыны менән секундына 18 метрға етеүе ихтимал.

Һауа температураһы төндә +6, +11 градус, көндөҙ +10, +15, республиканың төньяғында +20 градусҡа тиклем.

«Иғтибарлы һәм һаҡ булығыҙ, —  тип кәңәш бирә ҡотҡарыусылар. — Әгәр көтөлмәгән хәлгә тарыһағыҙ, 112 номерына шылтыратығыҙ — һеҙгә мотлаҡ ярҙам итерҙәр».

https://www.bashinform.ru/news/social/2023-09-08/spasateli-bashkirii-obratilis-k-voditelyam-s-ekstrennym-soobscheniem-3425479