Өфөлә Нефтехимиктар мәҙәниәт һәм ял паркын төҙөкләндереүҙең икенсе этабы дауам итә

Өфөлә Нефтехимиктар мәҙәниәт һәм ял паркын төҙөкләндереүҙең икенсе этабы бара, тип хәбәр итте үҙенең телеграм-каналында баш ҡала мэры Ратмир Мәүлиев.

Йәйәүлеләр тротуарын түшәү, тышҡы яҡтыртыуҙы монтажлау, инженер селтәрҙәрен төҙөү, йәшелләндереү, шулай уҡ бәләкәй архитектура формаларын ҡуйыу кеүек эштәрҙе атҡарыу бурысы тора.

«Әлеге ваҡытта емереү эштәре башҡарылған. Төҙөкләндереү эштәрен тулыһынса 2024 йылда, ҡаланың юбилейына тамамларбыҙ», — тип йомғаҡ яһаны Ратмир Мәүлиев.

Башинформ хәбәр иткәнсә, реконструкцияланған Нефтехимиктар паркы 12 июндә — Ҡала көнөндә асылғайны. Уның янындағы биләмәне ниндәй үҙгәрештәр көтә, ошо хаҡта тулыраҡ — бында.

https://www.bashinform.ru/news/social/2023-09-08/v-ufe-prodolzhaetsya-vtoroy-etap-blagoustroystva-parka-kultury-i-otdyha-neftehimikov-3424534