Рәсәй төбәктәренең мәғариф учреждениелары башҡорт теле дәреслектәрен алды
Яңы уҡыу йылы башланыр алдынан Рәсәй Федерацияһы төбәктәренең туған (башҡорт) теле өйрәнелгән белем биреү ойошмаларына башҡорт теле һәм әҙәбиәтенән 7470 дана уҡыу һәм уҡыу-методик әҙәбиәт, башҡорт теле һәм әҙәбиәте кабинеттарын биҙәү өсөн 15 комплект стенд, ҡыҙҙар һәм малайҙар өсөн 24 башҡорт милли костюмы, 101 башҡорт милли музыка ҡоралы - ҡурай, мәктәпкәсә белем биреү учреждениелары өсөн 44 башҡорт милли кейемендәге ҡурсаҡтар килде. Башҡорт теле һәм әҙәбиәте буйынса бөтә дәреслектәр ҙә - федераль дәреслектәр исемлегендә. Был хаҡта Башҡортостан Мәғариф министрлығының матбуғат хеҙмәте хәбәр итә.
Республика министрлығы йыл һайын башҡорттар күпләп йәшәгән төбәктәрҙәге мәктәптәрҙе башҡорт теле һәм әҙәбиәте дәреслектәре, методик әҙәбиәт, күргәҙмә әсбаптар менән тәьмин итә. Был эш «Башҡортостан Республикаһының дәүләт телдәрен, Башҡортостан Республикаһы халыҡтары телдәрен һаҡлау һәм үҫтереү» дәүләт программаһына ярашлы алып барыла.
Дүрт төбәктең (Силәбе өлкәһе – 22, Ырымбур өлкәһе – 3, Ҡурған өлкәһе – 2, Һамар өлкәһе – 1) 28 мәктәпкәсә белем биреү ойошмаларында һәм биш төбәктең (Силәбе өлкәһе – 36, Ырымбур өлкәһе – 9, Ҡурған өлкәһе – 5, Һамар өлкәһе – 2, Татарстан Республикаһы – 1) 53 дөйөм белем биреү ойошмаларында башҡорт телен өйрәнеү дәрестәре алып барыла. Өҫтәмә белем биреү сиктәрендә 16 ойошмала 308 бала башҡорт телен, башҡорт халҡының тарихын һәм мәҙәниәтен өйрәнә.
Бынан алдараҡ «Башинформ» Рәсәй Мәғариф министрлығының башҡорт теле һәм әҙәбиәте буйынса федераль программаларҙы раҫлауы тураһында хәбәр иткәйне.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.