Башҡортостан яугире МХО зонаһында хәрби оркестр солисы булып хеҙмәт итә

Башҡортостан яугире Динар МХО зонаһында хәрби оркестр солисы булып хеҙмәт итә. Уның хаҡында Рәсәй Оборона министрлығының телеграм-каналында әйтелә.

Динар мәҙәниәт колледжында белем алған, уны тамамлағас, 2016 йылда хәрби хеҙмәткә саҡырылған. Яҡташыбыҙҙы полк оркестрына ҡабул иткәндәр. Һуңынан ул өс йылға килешеү төҙөгән. Махсус операцияға тиклем Сүриәлә артиллерия дивизионы составында «КамАЗ» водителе булып хеҙмәт иткән. Хәҙер яугир икенсе контрактына ҡул ҡуйған.

«Төп эшмәкәрлегем шәхси состав өсөн уйын ҡоралдарында уйнау, шулай уҡ хәрби оркестрҙар конкурстарында ҡатнашыу, — ти Динар. — Коллектив менән призлы урындар ҙа яуланыҡ. Солист булып киттем. Ҡоралдаш иптәштәрем алдында сығыш яһайым, уларға бик оҡшай».

Яңыраҡ «Башинформ» мәғлүмәт агентлығы Башҡортостандың атҡаҙанған артисы, Башҡорт дәүләт филармонияһы флейтасыһы Радик Динәхмәтов тураһында яҙғайны. Яҡташыбыҙ «Башҡортостан» мотоуҡсылар полкы составындағы Советтар Союзы Геройы, генерал-майор Таһир Күсимов исемендәге башҡорт батальонының медицина взводы санитары булып хеҙмәт итә.

https://www.bashinform.ru/news/svo/2023-08-30/boets-iz-bashkirii-sluzhit-v-zone-svo-solistom-voennogo-orkestra-3411658