Баш ҡаланың Йылы күлендә пляж булдырыу планлаштырыла

Киләһе йылда Йылы күлендә йәмәғәт пляжы барлыҡҡа килеүе ихтимал. Был хаҡта Өфө хакимиәтендәге оператив кәңәшмә барышында Граждандарҙы яҡлау идаралығы етәксеһе Рафаэль Әхмәтов хәбәр итте. Баш ҡала мэры Ратмир Мәүлиев әйтеүенсә, ҡалала пляждар һанын арттырыу өсөн эшҡыуарҙар менән эште әүҙемләштереү кәрәк.

«Барығыҙҙың да майҙансыҡтары бар. Эшҡыуарҙар менән эшләгеҙ, тәҡдим итегеҙ. Пляждар ни тиклем күберәк булһа, шул тиклем яҡшыраҡ», - тине Мәүлиев район башлыҡтарына.

Өфөлә һыу инеү миҙгеле рәсми рәүештә ябылыуға тиклем өс көн ҡалды. Йәйгеһен йылға-күл буйҙарында 254 меңдән ашыу кеше ял иткән. «Башинформ»  яҙғанса, «Ҡашҡаҙан», «Ҡояш яры» һәм «Ҡояшлы» пляждары ҡала халҡының иң яратҡан ял итеү урыны булған.

https://www.bashinform.ru/news/social/2023-08-29/v-ufe-na-ozere-teplom-planiruyut-obustroit-gorodskoy-plyazh-3410808