Башҡортостанда Дмитриевка — Кушнаренко трассаһында юл ремонты тамамланды

Бл хаҡта төбәк транспорт һәм юл хужалығы министрлығынан хәбәр иттеләр. Юл эштәре «Хәүефһеҙ һәм сифатлы юлдар» милли проекты буйынса башҡарылған. 

Ремонт участкаһының оҙонлоғо — 3,1 саҡрым. Юл Иҫке Туҡмаҡлы һәм Яңы Ғүмәр ауылдарын тоташтыра. 

«Был юл участкаһы 8 меңдән ашыу кеше йәшәгән ике тораҡ пунктын тоташтыра. Асфальт япмаһы туҙған ине. Шуға күрә бында ремонт талап ителде», — тип аңлатты Башҡортостандың транспорт һәм юл хужалығы министры Александр Клебанов.

Трасса Шишмә районындағы Дмитриевка ауылын һәм Кушнаренко районы үҙәген тоташтыра. Был юлда шулай уҡ Биш кәзә, Иҫке Ғүмәр, Ҡаратәкә, Яңы Туҡмаҡлы, Яңы Аҡбаш һәм Ахта ауылдары ята. Бынан тыш, трассаның бер өлөшө Е017 маршруты аша үтә.

Бынан алда «Башинформ» хәбәр иткәнсә, «Хәүефһеҙ һәм сифатлы юлдар» милли проекты Рәсәй Президенты Владимир Путиндың ҡушыуы буйынса булдырылған. Милли проект бөтә ил буйынса бара, Рәсәйҙең 84 төбәге һәм 105 ҡала агломерацияһы ҡатнаша.