Башҡортостан һәм Өфө яңылыҡтары
87.37
-0.59
94.08
-0.18
85.65
-0.36
12+ °C
Болотло
Бөтә яңылыҡтар
Йәмғиәт
16 Август 2023, 17:02

Башҡортостан уҡыусылары Көньяҡ Кореяла үтәсәк халыҡ-ара олимпиадала ил данын яҡлаясаҡ

Республика инженер лицей-интернатынан 17 йәшлек Динар Дусов менән Асҡар Арыҫланов стандартлаштырыу буйынса
Рәсәй йыйылма командаһы составына ингән.

Стандартлаштырыу буйынса мәктәп уҡыусылары араһындағы халыҡ-ара олимпиада йыл һайын Көньяҡ Кореяның милли стандартлаштырыу органы — Технологиялар һәм стандарттар буйынса агентлығы (KATS) башланғысы буйынса үткәрелә.

Рәсәй командаһы Түбәнге Новгород, Томск, Ҡазан, Өфө, Севастополь, Луганск, Чебоксар һәм Новосибирск ҡалаларынан йыйылған туғыҙ уҡыусынан тора. Уҡыусылар йәш үҙенсәлектәрен иҫәпкә алып ярышасаҡ. 

«Халыҡ-ара олимпиадала 40 команда — Корея, Ҡытай, Рәсәй, Индонезия, Сингапур, Руанда, Ҡаҙағстан, Япония һәм Перу кеүек илдәрҙән 120 кеше ҡатнашасаҡ. Һәр ҡатнашыусы инглиз телен, стандартлаштырыу өлкәһен яҡшы белергә, эрудициялы һәм креатив булырға тейеш. Олимпиаданың төп эше — социаль әһәмиәтле темаға стандарт яҙыу. Бының өсөн ҡатнашыусыларға 6 сәғәт ваҡыт бирелә. Артабан улар үҙенең проектын жюри ағзалары алдында яҡларға бурыслы», — тип аңлатты Росстандарттың төбәк үҙәге матбуғат секретаре һәм Йәштәр стандарттар олимпиадаһы проект -менеджеры Айгөл Шәкүрова.

https://www.bashinform.ru/news/social/2023-08-16/shkolniki-iz-bashkirii-predstavyat-stranu-na-mezhdunarodnoy-olimpiade-v-yuzhnoy-koree-3390578

Читайте нас: