Башҡортостан һәм Өфө яңылыҡтары
89.7
0
97.1
0
82.16
+0.8
6+ °C
Ясна
Бөтә яңылыҡтар
Йәмғиәт
15 Август 2023, 10:30

Радий Хәбиров туғандаш Дағстан халҡына Махачкала ҡалаһындағы фажиғәгә бәйле ҡайғы уртаҡлашыу белдерҙе

Башҡортостан Башлығы Радий Хәбиров туғандаш Дағстан халҡына Махачкала ҡалаһында 27 кешенең ғүмерен өҙгән фажиғәгә бәйле ҡайғы уртаҡлашыу белдерҙе.

«Туғандаш Дағстан халҡына оло ҡайғы килде. Беҙ ҡайғыла ла, хәсрәттә лә бергә буласаҡбыҙ. Һәләк булғандарҙың яҡындарының ауыр ҡайғыһын уртаҡлашам һәм зыян күреүселәрҙең ғаиләләрен Башҡортостанға саҡырырға теләйем, бында уларға медицина һәм санатор ярҙам күрһәтеләсәк», — тип белдерҙе республика етәксеһе.

Бынан тыш, Башҡортостан Башлығы барлыҡ тейешле хеҙмәттәргә кисектермәҫтән төбәктәге яғыулыҡ ҡойоу станцияларын тикшерергә ҡушты. 

«Башинформ» хәбәр итеүенсә, Махачкалала яғыулыҡ ҡойоу станцияһында шартлау һөҙөмтәһендә 102 кеше зыян күргән, уларҙың 27-һе һәләк булған. 15 августа республикала матәм көнө иғлан ителгән.

   https://www.bashinform.ru/news/social/2023-08-15/glava-bashkirii-prines-svoi-soboleznovaniya-bratskomu-dagestanskomu-narodu-v-svyazi-s-tragediey-3388709

Читайте нас: