Башҡортостан сейсмологы Антарктидала тыуған ҡалаһының исемен яҙған

Рәсәйҙәге иң ҙур Новолазаревская антарктик станцияһында Учалы атамалы күрһәткес барлыҡҡа килде. Алтаҡтала башҡорт ҡалаһына тиклемге алыҫлыҡ та күрһәтелгән – 14 410 километр.

Күрһәткесте Учалы районынан сейсмолог Айнур Ғәлин тыуған ҡалаһының 60 йыллығына ҡуйған. Был хаҡта «Башинформ»-ға район хакимиәте башлығы Руслан Ғиләжетдиновтың социаль селтәрҙәренән билдәле булды.

Полярниктар үҙ-ара «шыршы» тип атаған күрһәткестә илдең киң географияһы күрһәтелгән. Унда бәләкәй ҡалаларҙың да, миллионлы ҡалаларҙың да исемдәре бар.

https://www.bashinform.ru/news/social/2023-08-10/seysmolog-iz-bashkirii-ustanovil-v-antarktide-tablichku-s-nazvaniem-rodnogo-goroda-3381256

Авторы: Ләйсән Зәкирова