Өфөнән «Башҡортостан» полкы өсөн техника менән гуманитар ылау юлға сыҡты

8 августа Берҙәм логистик үҙәк базаһынан «Башҡортостан» полкының хәрби әҙерлек зонаһына 20 машинанан торған юлау юлға сыҡты. Улар килтергән иң ҡиммәтле әйбер – юлһыҙ урындан үтә алыусы техника. Ул яугирҙарға бик кәрәк, тип билдәләне республика Башлығының хәрбиҙәр менән эш итеү буйынса кәңәшсеһе Алик Камалетдинов. 

Йөктө Башҡортостандың ғәҙәттән тыш хәлдәр буйынса дәүләт комитеты хеҙмәткәрҙәре оҙатып бара. Урман ауылының янғын һүндереү бүлеге начальнигы Леонид Хуттер етенсе тапҡыр МХО-ға бара.

– Нисә тапҡыр йөрөнөм, бер ниндәй ҙә ҡурҡыныс хәлгә тарыманыҡ, бер ниндәй ҙә ауырлығы юҡ. Иң мөһиме: барыһын да тиҙ эшләргә. Бер сменаға, бер водитель менән барабыҙ. Тәғәйенләнгән урынға барып етәбеҙ, техниканы ҡалдырабыҙ, кире юлға водителдәр өсөн автобус ойошторолған. Сәфәр барышында мәсьәләләрҙе хәл итәбеҙ һәм йөктө һаҡлау өсөн яуап бирәбеҙ», – тип һөйләне ул.

Ҡағиҙә булараҡ, водителдәр ҙә тәжрибәле кешеләрҙе һайлай, әммә кемдер беренсе тапҡыр бындай юлға сыға. «Ярҙам итеү – изге эш. Бәлки, йәштәр ҡурҡалыр, ә беҙгә бер ниндәй ҙә ҡурҡынысы юҡ. Бөтә туғандарым, борсолһалар ҙа, минең ҡарарымды хупланы. Балаларға ярҙам итергә, яҡшылыҡ эшләргә, үҙендән һуң яҡты эҙ ҡалдырырға кәрәк. Кәрәк булһа, үҙебеҙ ҙә китербеҙ», – тип уртаҡлаша водитель Ирек Латыпов.

https://www.bashinform.ru/news/social/2023-08-08/iz-ufy-vyehal-gumkonvoy-s-tehnikoy-dlya-polka-bashkortostan-3377376