Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
1 Август 2023, 14:56

Башҡортостан Башлығы Радий Хәбиров Благовещен икмәген нисек бешереүҙәре хаҡында һөйләне

Эште башлап ебәргәндә 8 кеше һәм тәүлегенә 300 килограмдан ашыу икмәк, ә хәҙер 184 кеше һәм 12,83 тонна. Благовещен районын һәм тирә-яҡ ауылдарҙы тәьмин иткән «Благовещен икмәге» предприятиеһының эш һөҙөмтәһе шундай. Башҡортостан Башлығы социаль селтәрҙәге сәхифәһендә ошондай мәғлүмәттәр менән уртаҡлашты.

Предприятиела бер нисә инвестиция проекты бойомға ашырыла. Яңыраҡ бында керәндил һәм крафт икмәге етештереү буйынса яңы цех асылған. Киләһе этап — Өфө- Бөрө - Яңауыл трассаһында юл буйы кафеһын төҙөү. Уны йыл аҙағына тиклем файҙаланыуға тапшырыу планлаштырыла.

«Үҫешергә «Благовещен» йылдам социаль-иҡтисади үҫеш биләмәһе резиденты статусы биргән һалым һәм башҡа льготалар ярҙам итә. Команданың, иң тәүҙә предприятиеның ойоштороусыһы Владимир Борисович Когайҙың тырышлығы ла маҡтауға лайыҡ. Мәҫәлән, бында хеҙмәткәрҙәр өсөн яҡшы шарттар булдырылған. Бушлай дөйөм ятаҡ, туҡланыу, өҫтәмә түләүҙәр, спорт менән шөғөлләнеү мөмкинлеге, шифаханаға юлламалар һәм башҡалар.

Республикала һәм илдә хеҙмәт ресурстары менән проблемалар бар, квалификациялы кадрҙар өсөн көрәшергә кәрәк. Бөгөн мин был көрәштә нисек еңергә мөмкин икәнен күрҙем. Бында иркенләп экскурсияға ла килергә була - «Благовещен икмәге» Бөтә Рәсәй сәнәғәт туризмын үҫтереү буйынса акселераторҙа ҡатнашыусылар иҫәбенә инә. Барығыҙға ла кәңәш итәм! Уңыштар!» - тип яҙҙы Радий Хәбиров.

https://www.bashinform.ru/news/social/2023-08-01/radiy-habirov-rasskazal-kak-vypekaetsya-blagoveschenskiy-hleb-3367975

Читайте нас: