Башҡортостан Башлығы Радий Хәбиров үткән аҙнаның һуңында эш сәфәре менән Донбасҡа барып ҡайтты. «Башинформ» хәбәр иткәнсә, ул унда Миңлеғәле Шайморатов исемендәге ирекле батальон яугирҙәре менән осрашты һәм уларҙы дәүләт наградалары — Батырлыҡ ордены, «Батырлыҡ өсөн» миҙалы, шулай уҡ генерал Шайморатов ордендары һәм миҙалдары менән бүләкләне.
Радий Хәбиров шулай уҡ яугирҙәрҙе борсоған мәсьәләләрҙе хәл итергә ҡушты.
«Муниципалитет башлыҡтарына мөрәжәғәт итәм, унда һеҙҙең райондарҙан да егеттәр бар, уларҙың үтенестәре төрлө. Кемдер ата-әсәһенә машина менән ҡырсынташ килтереүҙе, кемдер ата-әсәһен дауаханаға һалыуҙы, дауалауҙы һорай. Бөгөн мин йөкләмәләр проекттарына ҡул ҡуям, иртәгә үк ғәмәлгә ашыра башлағыҙ. Был аҙнала барыһын да үтәргә кәрәк», - тине республика етәксеһе.