Ирек Фәйзуллин Өфөлә Халыҡ-ара спорт көрәше үҙәге төҙөлөшө барышы менән танышты

Рәсәйҙең төҙөлөш һәм торлаҡ-коммуналь хужалыҡ министры Ирек Фәйзуллин менән Башҡортостан Башлығы Радий Хәбиров Өфөнөң Октябрь районында Халыҡ-ара спорт көрәше үҙәгенең төҙөлөш майҙансығында эштәр барышы менән танышты.

Бөгөнгә объектта барлыҡ әҙерлек эштәре башҡарылған. Төҙөлөштө киләһе йылда тамамлау планлаштырыла.

«Ошо халыҡ-ара кимәлдәге объект киләсәктә халыҡ-ара, Рәсәй ярыштарын  ҡабул итәсәк. Проектты уңышлы тормошҡа ашырыуығыҙҙы, төҙөлөштө билдәләнгән ваҡытта тамамлауығыҙҙы теләйем», - тип билдәләне министр.

Ирек Фәйзуллин Башҡортостандың төҙөлөш компаниялары вәкилдәренә Рәсәйҙең Төҙөлөш һәм торлаҡ-коммуналь хужалыҡ министрлығы наградаларын тапшырҙы.

Хәтерегеҙгә төшөрәбеҙ, был - Өфөнөң 450 йыллығы уңайынан төҙөлә башлаған объекттарының береһе. Үҙәк көрәштең төрлө төрҙәре, шул иҫәптән грек-рим, ирекле һәм ҡатын-ҡыҙҙар, панкратион һәм грэпплинг менән шөғөлләнеү, шулай уҡ төбәк, ил чемпионаттары һәм халыҡ-ара ярыштар - донъя чемпионаттары һәм кубоктар үткәреү өсөн тәғәйенләнгән.

https://www.bashinform.ru/news/social/2023-07-27/irek-fayzullin-pobyval-na-stroitelstve-mezhdunarodnogo-tsentra-sportivnoy-borby-v-ufe-3360148