Башҡортостанда «Йәштәр йыйыны»на ирекмәндәр йыялар

Башҡортостанда Волга буйы федераль округының IV «Йәштәр йыйыны - 2023» форумына ирекмәндәр йыялар. Сара 22-25 августа Бөрйән районында ойошторола. Был хаҡта республиканың йәштәр сәйәсәте буйынса дәүләт комитетына һылтанма менән Республикаға идара итеү үҙәге хәбәр итә.

Һайлап алыу шарттарына ярашлы, 18 йәше тулған һәр кем ирекмән була ала. Төп критерий —  «Добро.РФ» берҙәм мәғлүмәт системаһында ирекмәндәр сәғәте һаны һәм әңгәмәләшеү һөҙөмтәләре.

Форум барышында эшен сифатлы башҡарған кандидаттар «Другое дело» платформаһында рәхмәт хаттары, сувенирҙар һәм балдар, шулай уҡ «Бөтә донъя йәштәр фестивале - 2024» волонтерҙар корпусына инеү өсөн  тәҡдимдәр алырға мөмкин.

2023 йылдың 13 авгусына хәтлем теркәлергә кәрәк. «Башинформ» хәбәр иткәнсә, күләмле сара палаткалы лагерь форматында ойошторола. 

https://www.bashinform.ru/news/social/2023-07-25/idet-nabor-volonterov-na-yyyyn-molodezhi-2023-v-bashkirii-3355084