Рәсәйҙең Мәғариф министрлығы башҡорт теле һәм әҙәбиәтенән федераль программаларҙы раҫланы

Башҡортостандың Мәғариф министрлығы башланғыс дөйөм, төп дөйөм һәм урта дөйөм белем биреүҙең федераль дәүләт белем биреү стандарттарын яңыртыу буйынса әүҙем эшен дауам итә. Мәҫәлән, туған телдәрҙе уҡытыу методикаһын һәм технологияһын камиллаштырыу маҡсатында һәм яңыртылған стандарттарға ярашлы «Туған (башҡорт) теле», «Туған (башҡорт) әҙәбиәте», «Башҡортостан Республикаһының дәүләт (башҡорт) теле» уҡыу предметтары буйынса федераль программалар әҙерләнгән.

Ошо көндәрҙә Башҡортостан Республикаһының Мәғариф һәм фән министрлығы ҡарамағындағы уҡыу-методик совет ҡарары менән федераль программаларҙың хупланыуы һәм тейешле кимәлдәге федераль белем биреү программаларына индерелеүе билдәле булды.

«Башланғыс дөйөм белем биреү, төп дөйөм белем биреү, урта дөйөм белем биреү федераль программалары Рәсәйҙең Мәғариф министрлығы бойороҡтары менән раҫланды», — тип хәбәр иттеләр «Башинформ»ға ведомствонан.

https://www.bashinform.ru/news/social/2023-07-19/minprosvescheniya-rossii-utverdilo-federalnye-programmy-po-bashkirskomu-yazyku-i-literature-3345991