Башҡортостан бүлексәһе Рус география йәмғиәтенең Ҙур көмөш миҙалына лайыҡ булды

Рус география йәмғиәтенең Башҡортостан бүлексәһе Рус георгафия йәмғиәтенең Ҙур көмөш миҙалына лайыҡ булды. Был хаҡта бөгөн хөкүмәттең оператив кәңәшмәһендә Башҡортостан Башлығы Радий Хәбиров хәбәр итте.

«4 июлдә Рус география йәмғиәте төбәк бүлексәһенең попечителлек советы ултырышын үткәрҙек һәм йомғаҡ яһаныҡ. Беҙ илдә икенселәрҙән булып Рус география йәмғиәтенең абруйлы наградаһын — Ҙур көмөш миҙалын алдыҡ», — тине республика етәксеһе.  

Евразия күсмә цивилизациялар музейы төҙөлөп бөткәс, миҙалды шунда тапшырабыҙ, тип өҫтәне Радий Хәбиров.

Хәтерегеҙгә төшөрәбеҙ, 2014 йылда булдырылған награда Рус география йәмғиәте проекттарын уңышлы тормошҡа ашырған, экспедициялар, тикшеренеүҙәр һәм сәйәхәттәр ойоштороуҙағы эшмәкәрлек, география фәндәре өлкәһендәге ҡаҙаныштар өсөн өсөн бирелә.

https://www.bashinform.ru/news/social/2023-07-17/bashkirskoe-otdelenie-russkogo-geograficheskogo-obschestva-udostoeno-bolshoy-serebryanoy-medali-rgo-3342969