«Медиалогия» компанияһы 2023 йылдың июне өсөн Волга буйы федераль округы субъекттарының баш ҡалалары етәкселәре медиарейтингын әҙерләне.
Өфө мэры Ратмир Мәүлиев рейтингта бишенсе урында килә, бер айҙа ул 2 позицияға күтәрелде. Ә Өфө ҡала советы рәйесе Марат Вәсимов рейтингта бер баҫҡысты юғалтты, хәҙер ул 26-сы урында тора.
Медиарейтинг лидеры – Түбәнге Новгород башлығы Юрий Шалабаев. Һуңғы, 28-се урында Саранск депутаттары советы рәйесе Татьяна Шукшина.
Бынан алдараҡ «Башинформ» Башҡортостан Башлығы Радий Хәбировтың Волга буйы федераль округы төбәктәре башлыҡтары араһындағы медиарейтингта беренсе урынды алыуын хәбәр иткәйне.