Республикала хәрби хәрәкәттәр ветерандары түләүле парковкалар менән бушлай файҙаланырға хоҡуҡлы

Башҡортостанда хәрби хәрәкәттәр һәм Бөйөк Ватан һуғышы ветерандары түләүле парковкалар менән бушлай файҙаланырға хоҡуҡлы. Ошо туралағы ҡарарға Радий Хәбиров ҡул ҡуйған.

Рәсми документтан күренеүенсә, бындай хоҡуҡ республика биләмәһендә даими йәшәгән Рәсәй граждандарына бирелә. Бынан тыш, ветерандарҙы оҙатып йөрөүселәргә, шулай уҡ I, II һәм III төркөм инвалидтарына автомобилдәрен парковкала бушлай ҡалдырырға рөхсәт ителә. Был закон һаулыҡ мөмкинлектәре сикләнгән балалар өсөн дә ғәмәлдә — автомобиль уларҙың ата-әсәһе, опекундары йәки попечителдәренең береһе исемендә булырға тейеш.

Бынан алдараҡ «Башинформ» махсус хәрби операцияла ҡатнашыусыларҙың да хәрби хәрәкәттәр ветерандары статусына эйә булыуын хәбәр иткәйне.

https://www.bashinform.ru/news/social/2023-06-30/veterany-boevyh-deystviy-v-bashkirii-budut-parkovatsya-besplatno-3322927