Республика синоптиктары алдағы көндәргә һауа торошон хәбәр итте

Алдағы өс көндә Башҡортостанда һалҡынса һәм ваҡыты менән ямғырлы һауа торошо һаҡлана, тип хәбәр итте республика синоптиктары.

Башгидромет мәғлүмәттәре буйынса, бөгөн республикала урыны менән бер аҙ ямғыр яуа. Ел төньяҡ-көнбайыштан талғын. Һауа температураһы көндөҙ +13, +18 градус.

23 июндә урыны менән йәнә бер аҙ ямғыр фаразлана. Ел төньяҡ-көнбайыштан, көнбайыштан талғын, көндөҙ көсәйеүсән. Һауа температураһы төндә +3, +8 градус, төньяҡ һәм таулы райондарҙа ҡырау төшә, 0, -2 градус, көндөҙ +14, +19.

24 июндә лә Башҡортостанда урыны менән бер аҙ ямғыр яуыуы көтөлә. Ел төньяҡ-көнбайыштан, көнбайыштан талғын, көндөҙ көсәйеүсән. Һауа температураһы төндә +4, +9 градус, көндөҙ +15, +20 градус.

https://www.bashinform.ru/news/social/2023-06-22/sinoptiki-bashkirii-rasskazali-stoit-li-zhdat-potepleniya-v-blizhayshie-dni-3309153