2024 йылда 1 май байрамында нисек ял итәбеҙ?

2024 йылда 1 май байрамында дүрт көн рәттән ял итәбеҙ. Был хаҡта Рәсәй Хеҙмәт министрлығының ҡарар проектына һылтанма менән «Известия» яҙа.

«Ведомство әҙерләгән проектҡа ярашлы, ике ял көнөн күсереүгә бәйле апрель аҙағындағы ике эш көнө ял була. Берәүһен 27 апрелдән (шәмбе), ә икенсеһен ноябрь байрамдарынан алырға уйлайҙар», — тиелә материалда.

Шулай итеп, рәсәйҙәрҙе 28 апрелдән 1 майға тиклем дүрт көнлөк байрамдар көтә, ләкин унан алда алты көн рәттән эшләргә тура килә. Яңы йыл каникулдарын ҡыҫҡартмайҙар — рәсәйҙәр 8 ғинуарҙа эшкә сығырға тейеш.  23 февралдә һәм 8 мартта ла өсәр көн ял.

«Башинформ» хәбәр иткәнсә, 2023 йылдың 28 июнендә республикала мосолмандарҙың төп байрамы — Ҡорбан ғәйете билдәләнә. Быйыл ул шаршамбыға тура килә. Тимәк, шишәмбе, 27 июндә, эш көнө бер сәғәткә ҡыҫҡара.

https://www.bashinform.ru/news/social/2023-06-19/v-mintruda-rasskazali-kak-budem-otdyhat-na-pervomayskie-prazdniki-v-2024-godu-3304743