Айрат Рәхмәтуллин коллегаларын Медицина хеҙмәткәрҙәре көнө менән ҡотланы

Башҡортостан Республикаһының һаулыҡ һаҡлау министры Айрат Рәхмәтуллин хеҙмәттәштәрен һөнәри байрамы — Медицина хеҙмәткәрҙәре көнө менән тәбрикләне. Ул республика халҡы исеменән табиптарға, шәфҡәт туташтарына, һаулыҡ һаҡлау өлкәһендә эшләгән барлыҡ хеҙмәткәрҙәргә изге эше һәм һөнәргә тоғролоҡ өсөн рәхмәт белдерҙе.

«Һеҙҙҙең миссияғыҙ бик ауыр — һөнәри бурысығыҙға тоғро ҡалып, һәр ваҡыт ярҙамға килергә әҙер булыу, —  тиелә ҡотлауҙа. — Табиптарыбыҙ бөтә саҡырыуҙарҙы уңышлы еңеп сыға. Пандемия ваҡытында коронавирус инфекцияһына ҡаршы көрәштек, хәҙер Донецк һәм Луганск халыҡ республикаларында, азат ителгән биләмәләрҙә йәшәгән тыныс халыҡты ярҙамыбыҙҙан ташламайбыҙ. Медицина ротаһындағы коллегаларыбыҙ әле хәрби әҙерлек урынында, тиҙҙән улар яраланған яугирҙәргә  итеү өсөн махсус хәрби операция зонаһына юллана.

Һаулыҡ һаҡлау системаһын үҫтереүҙе мотлаҡ дауам итербеҙ. Кешеләр һәр ваҡыт уңайлы, сифатлы медицина ярҙамы алырға, ә медицина хеҙмәткәрҙәре (ҡалаларҙа ла, ауыл ерендә лә) заманса, лайыҡлы шарттарҙа эшләргә тейеш.

Хөрмәтле коллегалар! Һәр берегеҙ кешеләрҙең һаулығы һәм ғүмере өсөн яуаплы. Һеҙгә һәм яҡындарығыҙға бәхет, именлек, ныҡлы һаулыҡ һәм уңыштар теләйем!».

https://www.bashinform.ru/news/social/2023-06-16/ayrat-rahmatullin-pozdravil-kolleg-s-dnem-meditsinskogo-rabotnika-3302249