Башҡортостан яугире нацизмды еңеү өсөн ғүмерен фиҙа ҡылған

Ватанды һаҡлаусылар Рәсәйҙең именлеген тәьмин итеү йәһәтенән мөһим бурыс башҡара. Илебеҙ яугирҙәр хаҡында белергә һәм һөйләргә тейеш, улар быға лайыҡ. «Zа ПацанOV…!» телеграм-каналы махсус хәрби операция геройы — ефрейтор Данил Самат улы Фәттәхов тураһында хәбәр итә.

Ул 1985 йылдың 9 мартында тыуған. 2003 йылда Өфөлә урта мәктәпте тамамлай. Һуңынан Ғәҙәттән тыш хәлдәр министрлығы ғәскәрҙәрендә хеҙмәт иткән. «Ефрейтор» хәрби дәрәжәһен алған. Мәскәү институтына уҡырға ингән, бер үк ваҡытта полицияла водитель булып эшләгән. 2022 йылдың 25 майында хәрби хеҙмәткә контракт төҙөгән.

«Хеҙмәттәштәре һүҙҙәренсә, Данил Фәттәхов һәр ваҡыт эшһөйәр һәм миһырбанлы булыуы менән айырылып торған. 2022 йылдың 26 июнендә Украинала батырҙарса һәләк булған», — тип хәбәр ителә телеграм-каналда.

Данил Самат улы Фәттәхов нацизмды еңеү өсөн ғүмерен фиҙа ҡылған. Хәрби бурысын үтәгәндә күрһәткән ҡыйыулығы һәм фиҙаҡәрлеге өсөн Батырлыҡ ордены менән бүләкләнгән (үлгәндән һуң).

https://www.bashinform.ru/news/svo/2023-06-13/boets-iz-bashkirii-otdal-svoyu-zhizn-radi-pobedy-nad-natsizmom-3297234