Башҡортостан һәм Өфө яңылыҡтары
90.99
0
98.78
0
83.96
+0.69
12+ °C
Ясна
Бөтә яңылыҡтар
Йәмғиәт
8 Июнь 2023, 10:38

Башҡортостан Башлығы һәләк булған яугирҙәрҙең ғаиләләре менән осрашты

Олег Яровиков
Фото:Олег Яровиков

7 июндә Белорет районында Башҡортостан Башлығы махсус операцияла һәләк булған подполковник Альберт Кәримовтың һәм ефрейтор Артём Мамыкиндың яҡындары менән осрашты. Радий Хәбиров әңгәмә барышында яҡындарының ҡайғыһын уртаҡлашып, лайыҡлы улдар – Ватан һаҡсыларын һәм патриоттар тәрбиәләгән өсөн ата-әсәләренә рәхмәт белдерҙе.

«Беҙ тотош республика менән ҡайғығыҙҙы уртаҡлашабыҙ. Һеҙ ысын геройҙар, ысын ир-егеттәр тәрбиәләгәнһегеҙ, - тине Башҡортостан Башлығы. – Беҙҙең маҡсат – уларҙың хәтерен  мәңгеләштереү. Беҙ мотлаҡ һеҙҙең хаҡта  хәстәрлек күрербеҙ».

Республика етәксеһе Альберт Кәримовтың һәм Артём Мамыкиндың туғандарына генерал Шайморатов орденын тапшырҙы. Ике яугир ҙә был наградаға үлгәндән һуң лайыҡ булған. Махсус хәрби операцияла ҡатнашыусыларҙың ғаиләләре теләгән ваҡытта район хакимиәтенә ярҙам һорап мөрәжәғәт итергә мөмкин, тип билдәләне Радий Хәбиров. Бынан тыш, хәрби хеҙмәткәрҙәрҙең туғандарына Республика кардиология диспансерында дауаланыу курсын үтергә тәҡдим итте.

«Беҙҙә һәләк булған яугирҙәрҙең ата-әсәләре өсөн махсус дауалау программаһы бар. Унда хәстәрлекле, иғтибарлы табиптар эшләй», - тип хәбәр итте Башҡортостан Башлығы.

https://www.bashinform.ru/news/svo/2023-06-07/glava-bashkirii-vstretilsya-s-semyami-pogibshih-uchastnikov-svo-iz-beloretskogo-rayona-3291510

Автор:Ләйсән Закирова
Читайте нас: