Башҡортостан райондарының береһендә хакимиәт хеҙмәткәре үҙ теләге менән махсус хәрби операцияға китте

Көйөргәҙе районы хакимиәте хеҙмәткәре үҙ теләге менән махсус хәрби операцияға китте. Муниципалитеттың матбуғат хеҙмәтендә белдереүҙәренсә, 34 йәшлек ир мәғариф бүлегендә эшләгән. Үҙ эшенең оҫтаһы, изге күңелле һәм ярҙамсыл кеше, тиҙәр хеҙмәттәштәре уның хаҡында.

Хакимиәт башлығы Юлай Ильясов социаль селтәрҙәге сәхифәһендә яҡташының алғы һыҙыҡҡа юлланыу сәбәптәре тураһында яҙған.

«Хакимиәтебеҙ хеҙмәткәре ирекмәндәр сафын тулыландырҙы... Бының сәбәбе тураһындағы һорау ул былай тип яуап бирҙе: «Илһөйәрлек – ул Ватаныбыҙҙы һаҡлау. Мин балаларыма һәр саҡ Тыуған илебеҙҙең тарихы тураһында һөйләйем, бергәләп музейҙарға йөрөйбөҙ, Рәсәй, уның геройҙары, һуғыштан һуң уны тергеҙеү хаҡында фильмдар ҡарайбыҙ. Йәғни бәләкәйҙән уларҙа Ватанға һөйөү тәрбиәләргә тырышам. Бөгөн, илебеҙ өсөн ҡатмарлы осорҙа, дуҫтарымдың күбеһе махсус хәрби операцияла ҡатнашҡан ваҡытта, мин ситтә тороп ҡала алмайым. Балаларҙа Ватанға һөйөү тәрбиәләгән атай булараҡ, мин унда, иптәштәрем янында булырға тейешмен. Ғаиләм быны аңлай һәм хуплай. Ләкин мин ғаиләм өсөн дә тынысмын, ул дәүләт тарафынан тәьмин ителә. Был минең ҡарарым. Мин Рәсәй өсөн!», - тип яугирҙең һүҙҙәрен килтерә Юлай Ильясов.

https://www.bashinform.ru/news/svo/2023-06-05/sotrudnik-administratsii-odnogo-iz-rayonov-bashkirii-ushel-dobrovoltsem-na-svo-3287835