Өфө яугире «Хәрби ҡаһарманлыҡ өсөн» миҙалы менән бүләкләнде

Өфөнөң Дим районынан «Зингер» ҡушаматлы яугир «Хәрби ҡаһарманлыҡ өсөн» миҙалы менән бүләкләнде. Был хаҡта «Башинформ» агентлығына район хакимиәтенең матбуғат хеҙмәтенән хәбәр иттеләр. Яугир уҙған йылдың июль айынан алып махсус хәрби операция зонаһында. Ул үҙ теләге менән Миңлеғәле Шайморатов исемендәге башҡорт батальонына яҙылған. Яҡташыбыҙға награданы яуҙа тапшырғандар.

«Миҙал хәрби бурысын үтәгәндә батырлыҡ, ҡаһарманлыҡ һәм фиҙакәрлек күрһәткән хәрбиҙәргә бирелә. Беҙ яҡташыбыҙ менән ғорурланабыҙ һәм уға рәхмәт белдерәбеҙ», - тип билдәләнеләр хакимиәттә.

https://www.bashinform.ru/news/svo/2023-06-01/ufimskiy-boets-za-uchastie-v-svo-nagrazhden-medalyu-za-voinskuyu-doblest-3284215