Алдағы өс көндә Башҡортостанда йәйгесә йылы һауа торошо һаҡлана, тип хәбәр итте «Башинформ»ға республика синоптиктары.
Башгидромет мәғлүмәттәре буйынса, яҙҙың һуңғы көнөндә, 31 майҙа, Башҡортостанда урыны менән ҡыҫҡа ваҡытлы ямғыр, йәшен көтөлә. Ел көньяҡ-көнсығыштан, көньяҡтан талғын, көндөҙ урыны менән көсәйеүсән. Һауа температураһы төндә +15, +20 градус, урыны менән +10. Көндөҙ +27, +32 градус.
Йәйҙең тәүге көнөндә, 1 июндә, республикала урыны менән йәнә ҡыҫҡа ваҡытлы ямғыр яуыуы, йәшен йәшнәүе ихтимал. Ел көньяҡ-көнсығыштан, көньяҡтан талғын, көндөҙ урыны менән көсәйеүсән. Һауа температураһы төндә +16,+21 градус, көндөҙ +27,+32.
2 июндә лә урыны менән ҡыҫҡа ваҡытлы ямғыр, йәшен фаразлана. Ел көньяҡ-көнсығыштан, көньяҡтан талғын, урыны менән көсәйеүсән. Һауа температураһы төндә +16, +21 градус, көндөҙ +27, +32, төньяҡ-көнбайышта +22 градус.