Башҡортостанда тәбиғәт янғынының таралыуына юл ҡуйылманы

Ҡалтасы районында ҡотҡарыусылар 20 гектарҙан ашыу майҙанда тәбиғәт янғынын һүндереү менән мәшғүл, тип хәбәр итте Республикаға идара итеү үҙәгенән Рәсәй Ғәҙәттән тыш хәлдәр министрлығының республика буйынса баш идаралығының күҙәтеү эшмәкәрлеге һәм иҫкәртеү эше идаралығы начальнигы урынбаҫары Петр Ильин.

Янғын Краснокама районының Ҡуян ауылынан бер нисә саҡрым алыҫлыҡта теркәлгән. Ауылға хәүеф янамай, тип билдәләне Ильин.

Урман түшәмәһе һәм ҡамыштар яна. Утты ерҙән дә, һауанан да һүндерәләр. Янғынды һүндереүҙә 93 кеше һәм 18 берәмек техника, шул иҫәптән Ка-32 вертолеты, бульдозерҙар һәм янғын һүндереү автоцистерналары ҡатнаша. Ирекле янғын һүндереү командалары хеҙмәткәрҙәре эшләй, урындағы халыҡ та әүҙемлек күрһәтә.

Бынан тыш, Белорет районында ике янғынды һүндереү эштәре бара. Янғындарҙың дөйөм майҙаны — 78 гектар. Утты һүндереүгә 70 кеше һәм 15 берәмек техника йәлеп ителгән.

Янғын хәүефе миҙгеле башланғандан алып Башҡортостанда дөйөм майҙаны 1004 гектарҙа 73 урман янғыны теркәлгән.

https://www.bashinform.ru/news/social/2023-05-30/v-kaltasinskom-rayone-bashkirii-lokalizovan-bolshoy-prirodnyy-pozhar-3279927