«Башинформ»да «Ауырлыҡтарҙы йырҙар менән еңәйек» конкурсына йомғаҡ яһалды

«Башинформ»да һәүәҫкәр йырсылар араһында ойошторолған «Ауырлыҡтарҙы йырҙар менән еңәйек» конкурсында ҡатнашыусылар һәм еңеүселәр бүләкләнде. Сара мәғлүмәт агентлығының «Бәйләнештә»ге «Башҡортостаным яңылыҡтар» төркөмөндә уҙҙы.

Унда республикабыҙҙың төрлө район-ҡалаларынан талантлы йырсылар ҡатнашты. Шарттарға ярашлы, конкурсанттар яратҡан композицияһын башҡарып, видеоға төшөрөп ебәрергә тейеш ине. Ойоштороусыларға йәмғеһе 49 ғариза килде. Еңеүселәр тауыш биреү ярҙамында билдәләнде.

I урынға һәм 5 000 мең һумға Йәнбикә Хәсәнова (Төмән өлкәһе) лайыҡ булды.

II урынды һәм 3 000 һумды Ризидә Әхмәтшина (Шишмә районы Иҫке Ябалаҡлы ауылы) алды.

III урынға һәм 2 000 мең һумға Гөлнәфис Әсәҙуллина (Әбйәлил районы, Мәхмүт ауылы) лайыҡ булды.

«Ауырлыҡтарҙы йырҙар менән еңәйек» конкурсында ҡатнашыусыларҙың барыһы ла рәхмәт хаттары менән бүләкләнде. Наградаларҙы «Башинформ» мәғлүмәт агентлығының баш мөхәррире Руслан Шәрәфетдинов һәм Burelar башҡорт рок-төркөмө лидеры Илшат Абдуллин тапшырҙы.

https://www.bashinform.ru/news/social/2023-05-25/v-bashinforme-podveli-itogi-konkursa-sredi-pevtsov-ispolniteley-preodoleem-trudnosti-s-pesnyami-3272949