Мәғариф министры: «География, әҙәбиәт һәм химия буйынса БДИ штат режимында үтте»

Башҡортостандың мәғариф министры: «География, әҙәбиәт һәм химия буйынса БДИ штат режимында үтте»

Башҡортостанда 26 майҙа география, әҙәбиәт һәм химия буйынса берҙәм дәүләт имтиханының төп осороноң тәүге имтихандары уҙҙы.

«Бөгөн географиянан, әҙәбиәттән һәм химиянан берҙәм дәүләт имтиханы штат режимында , тыныс үтте», — тип белдерҙе Башҡортостандың мәғариф һәм фән министры Айбулат Хажин.

Өс фән буйынса БДИ-ла бөтәһе 3,5 меңдән ашыу сығарылыш уҡыусыһы ҡатнашты, уларҙың 408-е — географиянан, 802-һе  — әҙәбиәттән, 2388-е химиянан һынау тотто. Бөгөн Берҙәм дәүләт имтиханын үткәреү өсөн 157 имтихан үткәреү пункты йәлеп ителде.

Ведомствоның матбуғат хеҙмәтендә билдәләүҙәренсә, географиянан берҙәм дәүләт имтиханында минималь балл — 37, әҙәбиәттән — 32, химиянан — 36. Имтихан һөҙөмтәләре 13 июндән дә һуңға ҡалмайынса билдәле була.

Рус теленән имтихан 29 майҙа була. Унда Берҙәм дәүләт имтиханында —  14 786, дәүләт сығарылыш имтиханында (инвалид һәм һаулыҡ мөмкинлектәре сикле балалар, шулай уҡ ябыҡ типтағы учреждениеларҙа) 197 кеше ҡатнаша.

https://www.bashinform.ru/news/social/2023-05-26/glava-minobra-bashkirii-ege-po-geografii-literature-i-himii-proshel-v-shtatnom-rezhime-bez-sboev-3274783