Башҡортостан Башлығы Өфөлә «Китап байрамы» халыҡ-ара йәрминкәһенең абруйлы ҡунаҡтары менән осрашты
Йома, 26 майҙа, Башҡортостан Башлығы Радий Хәбиров Өфөлә 28 майға тиклем барған «Китап байрамы» беренсе халыҡ-ара китап йәрминкәһенең абруйлы ҡунаҡтары менән осрашты. Осрашыуҙа Рәсәйҙең Яҙыусылар союзы идараһы рәйесе Николай Иванов, илдең Китап нәшер итеүселәр ассоциацияһы президенты Константин Чеченев һәм Беларусь Яҙыусылар союзы рәйесенең беренсе урынбаҫары Елена Стельмах ҡатнашты.
Башҡортостан Башлығы ҡунаҡтарға мәҙәни фестивалдә ҡатнашыуы өсөн рәхмәт әйтте.
«Һеҙҙе Башҡортостанда күреүемә бик шатмын. «Китап байрамы»на саҡырыуыбыҙҙы ҡабул иткәнегеҙ өсөн рәхмәт. Рәсәй өсөн, барыбыҙ өсөн изге ғәмәл ҡылабыҙ тип уйлайым, — тип билдәләне Радий Хәбиров. — Беҙҙең фестивалдең идеяһы Мәскәү халыҡ-ара китап күргәҙмәһе проектын тикшереү барышында килеп тыуҙы. Беҙ халыҡта китапҡа һөйөү тәрбиәләү өсөн ошо форматты киңәйтергә булдыҡ. Проектты хуплағаны өсөн республикабыҙҙың Яҙыусылар союзына бик рәхмәтлемен».
Абруйлы ҡунаҡтар китап фестивалендә ҡатнашырға саҡырғандары өсөн рәхмәт белдерҙе. Рәсәйҙең Яҙыусылар союзы идараһы рәйесе Николай Иванов «Китап байрамы» йәрминкәһенең әһәмиәтен юғары баһаланы.
«Был уникаль күргәҙмә — Рәсәйҙең барлыҡ төбәктәре өсөн китапҡа ҡарата мөнәсәбәт формалашыутырыуҙың сағыу миҫалы. Республика етәкселегенә, Башҡортостандың Яҙыусылар союзына ошондай сара ойошторғандары өсөн рәхмәт белдерәм, — тине ул. — Башҡортостан менән тығыҙ хеҙмәттәшлек итергә тырышабыҙ. Яҙыусыларығыҙ менән мөнәсәбәттәрегеҙ ижади аудитория өсөн бик мөһим».
Николай Иванов шулай уҡ республикала Рәсәй Яҙыусылар союзының 2023 йылдың ноябренә билдәләнгән күсмә пленумын үткәреү башланғысы менән сығыш яһаны. Радий Хәбиров ошондай сараны ойоштороу мөмкинлеген ҡарарға тәҡдим итте.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.