Башҡортостан һәм Өфө яңылыҡтары
90.99
+0.06
98.78
-0.12
83.96
+0.69
4+ °C
Ясна
Бөтә яңылыҡтар
Йәмғиәт
24 Май 2023, 12:15

Республикала йыл башынан 39 меңдән ашыу ҡатын-ҡыҙ бала табыу сертификаттары буйынса хеҙмәттәр алған

Башҡортостанда йыл башынан 39 меңдән ашыу ҡатын-ҡыҙ һәм яңы тыуған сабыйҙар бала табыу сертификаттары буйынса хеҙмәттәр алған. Республиканың медицина ойошмаларына күсерелгән аҡсаның дөйөм күләме 116 миллион һумдан ашыу тәшкил иткән. Аҡса йөклөлөккә һәм бала тыуыуға бәйле күрһәтелгән хеҙмәттәр өсөн түләүгә йүнәлтелгән.

Бала табыу сертификаты — ауырлы ҡатын-ҡыҙҙарға бала табыу, шулай уҡ йөклө саҡта һәм унан һуң тикшерелеп тороу өсөн медицина ойошмаһын һайлау хоҡуғы биргән документ. Электрон сертификатты йәшәгән урын буйынса ҡатын-ҡыҙҙар консультацияһына беренсе тапҡыр килгәндә йәки бала табыу йортонда, балалар поликлиникаһы алырға мөмкин.

Быға тиклем ҡатын-ҡыҙҙарға медицина учреждениеһына сертификат бланкын үҙ аллы тапшырырға кәрәк ине. Хәҙер бөтә кәрәкле мәғлүмәттәр Социаль фондҡа автоматик рәүештә тапшырыла.

«Бала табыу сертификатының электрон формаһына күсеү медицина хеҙмәткәрҙәренә документ тултырыу процедураһын ябайлаштырҙы», — тип хәбәр иттеләр Башҡортостан буйынса Рәсәй Социаль фондының матбуғат хеҙмәтенән.
Читайте нас: