БДУ-ның төп бинаһы мәҙәни мираҫ объекты тип танылды

Зәки Вәлиди урамында урынлашҡан Башҡорт дәүләт университетының төп корпусы, ул төбәк әһәмиәтендәге мәҙәни мираҫ объекты тип танылды. Тейешле бойороҡҡа Мәҙәни мираҫ объекттарын һаҡлау идаралығы етәксеһе вазифаһын башҡарыусы Салауат Ҡолбахтин ҡул ҡуйған. Документ рәсми хоҡуҡи мәғлүмәт порталында баҫылған.

Тимәк, университет корпусы тураһындағы мәғлүмәт Мәҙәни мираҫ объекттарының берҙәм дәүләт реестрына индерелә. Бина 1957, 1958 һәм 1980 йылдарҙың һәйкәле булып тора.

«Башинформ» мәғлүмәттәре буйынса, 3-сө трест Башҡорт дәүләт университетының төп корпусын 1953-1958 йылдарҙа совет неоклассицизмы стилендә төҙөгән. Проектты Башҡортостанда билдәле архитекторҙар Барый һәм Сәмиғулла Кәлимуллиндар әҙерләгән.

https://www.bashinform.ru/news/social/2023-05-23/glavnoe-zdanie-bashgu-v-ufe-priznan-ob-ektom-kulturnogo-naslediya-3268812