Бөгөн, 22 майҙа, Башҡортостан ҡалаларында һәм райондарында мәктәп тамамлаусылар өсөн «Һуңғы ҡыңғырау» байрамы була.
Был көндө сығарылыш уҡыусылары мәктәп менән хушлаша. Алда — мөһим имтихандар, онотолмаҫлыҡ сығарылыш кисәләре һәм һөнәр һайлау.
Бөгөн Башҡортостанда 15 меңдән ашыу 11-се класс уҡыусыһы өсөн һуңғы ҡыңғырау сыңлай.
Башҡортостандың баш ҡалаһында 11-се класс уҡыусылары өсөн уҡыу йылы тамамланыуға арналған ҙур байрам «Торатау» конгресс-холының түбәнге майҙансығында ойошторола.
«22 майҙа көндөҙгө сәғәт 2-лә сығарылыш уҡыусылары, уҡытыусылар һәм ата-әсәләр өсөн ҡала байрамы башлана. Программала — вальс башҡарыу, бейеү флешмобы», — тип белдерҙеләр мэрияның матбуғат хеҙмәтендә.
26 майҙан ун беренселәр берҙәм дәүләт имтиханы тапшыра башлай.