Өфөлә Мөғин Нагаев исемендәге артдивизион хәрби әҙерлек үтеү урынына юлланды

Name: Өфөлә Мөғин Нагаев исемендәге артдивизион хәрби әҙерлек үтеү урынына юлланды
Uploaded: 2023-05-18T17:05:00+05:00
Description: Өфөлә Мөғин Нагаев исемендәге артдивизион хәрби әҙерлек үтеү урынына юлланды

Фото: Валерий Шахов

Эдуард Ҡусҡарбәков

Бөгөн, 18 майҙа, Өфөлә республикала төҙөлгән артиллерия дивизионы хәрби әҙерлек үтеү урынына юлға сыҡты. Яугирҙәр туғандары һәм яҡындары менән баш ҡаланың Совет майҙанында хушлашты, тип хәбәр итә «Башинформ». Яңы хәрби формирование «Башҡортостан» башҡорт ирекле мотоуҡсылар полкы составына инә. Иҫегеҙгә төшөрәбеҙ, совет партизаны, данлыҡлы разведчик Даян Мурзин һәм Советтар Союзы Геройы Таһир Күсимов исемендәге яңы башҡорт ирекле батальондары ла уның составында.

Оҙатыу сараһы башланыр алдынан Радий Хәбиров Рәсәй Геройы, генерал-майор Миңлеғәле Шайморатов һәйкәленә сәскәләр һалды. Һуңынан республика етәксеһе яугирҙәргә, уларҙың яҡындарына мөрәжәғәт итте.

Фото: Валерий Шахов

« Хөрмәтле иптәштәр! Ҡәҙерле дуҫтар! Беҙ Башҡорт ирекле полкын ойоштороу эшен дауам итәбеҙ. Бөгөн сираттағы подразделение - артиллерия дивизионы хәрби әҙерлек үтергә юллана. Уның командиры менән һөйләшеп килешкәнсә, ул танкыға ҡаршы батарея командиры, яҡташыбыҙ Мөғин Нагаев исемен йөрөтә. Тотош республика һеҙгә рәхмәт белдерә, оло ихтирам менән ҡарай. Һәр кемдең ғүмере һәм һаулығы, һис шикһеҙ, туғандарығыҙ һәм яҡындарығыҙ өсөн төп байлыҡ. Иң мөһиме, иҫән-һау әйләнеп ҡайтыуығыҙҙы теләйем. Әйткәндәй, батыр яугир Мөғин Нагаев бөтә һуғышты үткән. Ике тапҡыр Советтар Союзы Геройы исеменә тәҡдим ителгән. Ул замандағы барлыҡ хәрби ордендар менән наградланған, бер тапҡыр ҙа яраланмаған, имен-аман әйләнеп ҡайтҡан. Һеҙгә лә шуны теләйем. Эшләгеҙ, туғандар!», - тине Радий Хәбиров.

Башҡортостан артиллеристары командиры подполковник Юрий Спиваков дивизиондың махсус хәрби операцияла хәрби бурыстарҙы үтәгәндә мотоуҡсылар батальондарына артиллерия ярҙамы күрһәтеү өсөн ойошторолоуын әйтте.

Башҡортостан Дәүләт Йыйылышы депутаты Рамазан Рамазанов һүҙҙәренсә, бөтә ир-егеттәр ҙә — яугир, һәр кем Ватанды һаҡларға әҙер булырға тейеш.

«Башҡорт ере һәр саҡ үҙенең батырҙары менән дан тотто, ир-егеттәребеҙҙә хәрби рух бар. Минеңсә, артиллерия дивизионын ойоштороу — башҡорт яугирҙәре хеҙмәт иткән подразделениеларҙы нығытыу ул. Беҙҙең егеттәргә башҡорт тылы ярҙам итә. Хәҙер иһә артиллеристар. Еңеү, һис шикһеҙ, беҙҙең яҡта булыр», — тине Рамазан Рамазанов.

https://www.bashinform.ru/news/svo/2023-05-18/v-ufe-provodili-na-boevoe-slazhivanie-artdivizion-imeni-mugina-nagaeva-dlya-uchastiya-v-svo-3262545

Видео: Эдуард Ҡусҡарбәков

Другие видео

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.