Яҙғы саҡырылышта Өфөнән меңдән ашыу егет хәрби хеҙмәткә алына

Яҙғыһын Өфөнән меңдән ашыу егет хәрби хеҙмәткә саҡырыла. Был хаҡта баш ҡала хакимиәтендәге оператив кәңәшмәлә Башҡортостан хәрби комиссариатының граждандарҙы хәрби хеҙмәткә әҙерләү һәм саҡырыу бүлеге етәксеһе Сергей Нетунаев хәбәр итте.

«Яҙғы саҡырылышҡа хәрбиҙәр һаны уҙған йыл менән сағыштырғанда 10%  арттырылды.  Үҙәк хәрби округы штабы республикаға 5,5 меңдән ашыу кешене саҡырыу бурысын йөкмәтте. Уларҙың меңдән күберәге — Өфөнән», — тине Сергей Нетунаев.

Быйыл яҙ Өфөнөң саҡырыу комиссияларына бөтәһе 6 меңдән ашыу егет килергә тейеш. Улар араһында мәктәп уҡыусылары ла, колледж, юғары уҡыу йорто студенттары ла бар. Бындай ғәмәл йыл һайын башҡарыла.

Әлеге ваҡытта 843 егет комиссияға килгән, был дөйөм һандан 13 процент тәшкил итә. Ә 150 кеше бер ниндәй етди сәбәпһеҙ повестканы иғтибарһыҙ ҡалдырған, уларҙың 25-е административ яуаплылыҡҡа тарттырылған.

Егеттәрҙе армия сафына оҙатыу 6 майҙан һуң башлана, тип өҫтәне Сергей Нетунаев. Апрелдә иһә Өфөнән — 80, 15 майҙан 6 июнгә тиклем тағы ла йөҙгә яҡын һалдат хеҙмәт итеү урынына юллана.

https://www.bashinform.ru/news/social/2023-04-11/v-vesenniy-prizyv-iz-ufy-k-mestu-srochnoy-sluzhby-napravitsya-bolee-tysyachi-novobrantsev-3215378