Йылайыр районы хакимиәте башлығы урынбаҫары ваҡытһыҙ вафат булған

Башҡортостанда Йылайыр районы хакимиәте башлығы урынбаҫары Александр Коротков ваҡытһыҙ вафат булған. Сәбәбе – бәхетһеҙ осраҡ.

«Башинформ» мәғлүмәт агентлығының район хакимиәтендәге үҙ сығанағы белдереүенсә, Александр Коротков кисә, 16 мартта, Матрай ауылында Педагог һәм остаз йылын асыуҙа ҡатнашҡан. Шунан һуң ул Йылайырға ҡайтҡан. Бәхетһеҙ осраҡ уның йортоноң ишек алдында булған, Александр Коротков ҡыйыҡтан шыуып төшкән ҡар аҫтында ҡалған.

Александр Коротков оҙаҡ йылдар Йылайыр районы хакимиәтендә муниципалитет башлығының социаль өлкә буйынса урынбаҫары булып эшләгән. 2000 йылдар башында ул Матрай урта мәктәбе директоры булған.

«Башинформ» мәғлүмәт агентлығы мәрхүмдең туғандарының һәм яҡындарының ауыр ҡайғыһын уртаҡлаша.

https://www.bashinform.ru/news/social/2023-03-16/v-bashkirii-pogib-zamestitel-glavy-administratsii-zilairskogo-rayona-3180274