26 мартта «Өфө һылыуҡайы - 2023» ҡала матурлыҡ конкурсына кастинг уҙғарыла. Конкурсты Өфө хакимиәте булышлығында «Һомай» театр-дефиле» студияһы үткәрә. Сара көндөҙгө сәғәт 2-лә башлана.
Конкурста ҡатнашыуға 16-35 йәшлек ҡыҙҙар саҡырыла. Финал 26 апрелдә ВДНХ комплексында була. Быйыл проект Өфөнөң яҡынлашып килгән 450 йыллығына арнала. Еңеүсегә 100 мең һум аҡсалата бүләк тапшырыла. Конкурс һәм кастингты уҙғарыу тәртибе тураһында положение — конкурстың «Бәйләнештә»ге рәсми төркөмөндә.
16+