Башҡортостан баҡсасыларына дөйөм йыйылыштарҙы онлайн үткәрергә рөхсәт итеүҙәре ихтимал

Башҡортостан баҡсасыларына дөйөм йыйылыштарҙы онлайн режимында үткәрергә рөхсәт итеүҙәре ихтимал. Республика Дәүләт Йыйылышының аграр мәсьәләләр, экология һәм тәбиғәттән файҙаланыу комитеты тейешле закон проектын хупланы. Уны март аҙағында ҡабул итергә йыйыналар.

«Башланғыс дөйөм йыйылыштар үткәргәндә баҡсасылыҡ ширҡәттәре ағзаларының онлайн аралашыу форматтарын үҫтереүгә йүнәлтелгән. Бының өсөн республиканың башҡарма власть органдарына һәм урындағы үҙидара органдарына яңы мәғлүмәт системаларын булдырыу һәм булғандарын үҫтереү хоҡуғын бирергә тәҡдим ителә. Закон проекты баҡсасыларға ҡарарҙар ҡабул итеү процесын күпкә ябайлаштырырға тейеш», —  тип аңлатма бирҙе Башҡортостан Республикаһы Дәүләт Йыйылышы рәйесе Константин Толкачев.

Спикер билдәләүенсә, коллектив ҡарарҙар ҡабул итеү йыш ҡына ҡайһы бер ауырлыҡтарға бәйле, сөнки баҡсасыларҙы бер көндә йыйыу мөмкинлеге юҡ. Шуға күрә килеп йәки почта ярҙамында тауыш биреү менән бер рәттән уставҡа һанлы мөмкинлектәрҙе индерергә хәл ителде.

https://www.bashinform.ru/news/social/2023-03-15/sadovodam-bashkirii-razreshat-provodit-obschie-sobraniya-sobraniya-v-onlayn-formate-3177522