Радий Хәбиров Башҡортостандың беренсе президентының хәтерен мәңгеләштереү тураһында указға ҡул ҡуйҙы
Башҡортостандың рәсми хоҡуҡи мәғлүмәт интернет-порталында Радий Хәбировтың республиканың беренсе президенты Мортаза Рәхимовтың хәтерен мәңгеләштереү тураһында указы баҫылған.
Документта билдәләнеүенсә, Мортаза Ғөбәйҙулла улы Рәхимов — Башҡортостандың социаль һәм иҡтисади үҫешенә ҙур өлөш индергән күренекле сәйәсмән һәм йәмәғәт эшмәкәре.
3-сө Башҡорт республика гимназия-интернатына һәм Мораҡ ауылындағы Башҡорт гимназияһына уның исеме бирелә.
Бынан тыш, республика хөкүмәте — белем биреү учреждениеларының береһенә, ә Өфө хакимиәте баш ҡаланың үҙәк урамына Мортаза Рәхимовтың исемен биреү буйынса тәҡдимдәр индерергә тейеш.
Өфөлә шулай уҡ Башҡортостандың беренсе Президентына һәйкәл һәм Мортаза Рәхимов йәшәгән йортҡа — мемориаль таҡтаташ, тыуған яғында Күгәрсен районының Тәүәкән ауылында музей асыу күҙаллана.
Республиканың Милли музейында Башҡортостандың беренсе президентының эшмәкәрлеге хаҡында материалдар туплап, тыуыуына 90 йыл тулыуға ҡарата (2024 йылда) уның тураһында биографик энциклопедия баҫтырыу сығарыу бурысы тора, тип хәбәр иткәйне «Башинформ».
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.