Башҡортостан — Милли туристик рейтинг лидерҙары иҫәбендә
Башҡортостан 2022 йыл йомғаҡтары буйынса Милли туристик рейтингта 11-се урынды алды. Был хаҡта республика етәксеһе Радий Хәбиров «Бәйләнештә»ге сәхифәһендә хәбәр итте.
Уның һүҙҙәренсә, рейтингты төҙөүселәр хәүефһеҙлекте баһалаған, туристик тармаҡтың, ҡунаҡхана инфраструктураһының һәм шифахана-курорт йүнәлешенең үҫеш кимәлен, төбәктең популярлығын иҫәпкә алған.
«Былтыр ғинуарҙан ноябргә тиклем республикаға 1,7 миллион турист килгән, быйыл иһә 2 миллионды көтәбеҙ. Социаль, ваҡиғалар, этнотуризмды үҫтерәбеҙ. Мәктәп һәм сәнәғәт туризмы программалы эшләй, «Оҙон ғүмер» программаһы сиктәрендә өлкән быуын вәкилдәре республика буйлап сәйәхәт ҡыла. Юл буйы сервисын үҫтерәбеҙ, беҙгә ҡунаҡханаларҙың кимәлен күтәрергә, рекламаны көсәйтергә кәрәк», — тине Башҡортостан Башлығы.
Республика иң популяр ун һәм хатта биш йүнәлеш иҫәбенә лә инергә мөмкин, тип билдәләне Радий Хәбиров.
«Беҙҙең тәбиғәтебеҙ үҙенсәлекле, бай мәҙәни һәм тарихи мираҫыбыҙ бар, шифаханалар, тау саңғыһы үҙәктәре селтәре үҫешкән, — тине республика етәксеһе. — Иң мөһиме — системалы эш. Туризм өлкәһе иҡтисадыбыҙҙа мөһим урынды биләй, шуға күрә был тема менән даими шөғөлләнеүҙе дауам итербеҙ».
https://www.bashinform.ru/news/social/2023-01-23/bashkiriya-v-chisle-liderov-natsionalnogo-turisticheskogo-reytinga-po-itogam-2022-goda-3115147
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.