Рәсәй президенты Владимир Путин Өфөгә Мортаза Рәхимов менән бәхилләшеү сараһына килде. «Башҡортостан» дәүләт концерт залында дәүләт башлығы мәрхүмдең табутына сәскәләр һалды һәм бер аҙ тын торҙо.
Хәтерегеҙгә төшөрәбеҙ, Мортаза Рәхимов Башҡортостанға 1990-2010 йылдарҙа етәкселек итте. Республиканың беренсе президенты 11 ғинуарҙа 89-сы йәшендә арабыҙҙан китеп барҙы, тип хәбәр иткәйне «Башинформ». Мортаза Рәхимов Өфөнөң мосолмандар зыяратында ерләнә.
https://www.bashinform.ru/news/social/2023-01-13/vladimir-putin-poproschalsya-s-murtazoy-rahimovym-3103863