2023 йылда Берҙәм һәм төп дәүләт имтихандарын уҙғарыу ваҡыты билдәле булды
Республиканың мәғариф министры Айбулат Хажин 2023 йылда Берҙәм һәм төп дәүләт имтихандарын уҙғарыу ваҡытын иғлан итте.
2023 йылда Берҙәм дәүләт имтиханын ваҡытынан алда тапшырыу осоро – 20 марттан 19 апрелгә, төп осор – 26 майҙан 1 июлгә, өҫтәмә осор – 6 сентябрҙән 19-ына тиклем.
26 майҙа төп осор география, әҙәбиәт һәм химия буйынса һынауҙар менән асыла. Информатика һәм мәғлүмәт-коммуникация технологиялары буйынса БДИ, шулай уҡ сит телдәрҙән имтихандың «Аралашыу» бүлеге өсөн икешәр көн ҡаралған. Сит телдәр буйынса имтихандың «Аралашыу» бүлеген – 16 һәм 17 июндә, информатика һәм мәғлүмәт-коммуникация технологиялары буйынса БДИ-ны 19 һәм 20 июндә үткәреү планлаштырыла.
Беренсе мотлаҡ фәнде, рус телен, сығарылыш уҡыусылары 29 майҙа тапшыра. База һәм профиль кимәлендәге математика буйынса икенсе мотлаҡ имтихан бер көндә – 1 июндә була.
5 июндә – тарих һәм физика, 8 июндә – йәмғиәтте өйрәнеү, 13 июндә биология һәм сит телдәрҙән имтихан үткәрелә.
Туғыҙынсы кластар өсөн төп дәүләт имтиханын уҙғарыу ҙа өс осорға бүленгән: ваҡытынан алда (21 апрелдән 16 майға), төп (24 майҙан 1 июлгә) һәм өҫтәмә (4 сентябрҙән 23-нә тиклем). 2023 йылда имтихандарҙың төп осоро 1 июлдә тамамлана.
Мәғариф министры һүҙҙәренсә, берҙәм дәүләт имтиханында ҡатнашыу өсөн ғаризаны – 1 февралгә, ә төп дәүләт имтиханына 1 мартҡа тиклем бирергә мөмкин.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.